М-7 трассасында машина йөртүчеләр өчен «кайнар линия» ачылды

Һава торышы начар торуы аркасында кичә М-7 трассасында зур «бөке» барлыкка килде. Машина белән йөрү, аеруча, Питрәч районы Шәле авылы янында кыенлашкан иде. Әлеге участокта 30 якын юл-транспорт һәлакәте теркәлгән. Кызганычка каршы, үлүчеләр һәм зыян күрүчеләр дә бар. Шул сәбәпле, ЮХИДИ Чаллы трассасын вакытлыча ябып торды. Хәзерге вакытта хәрәкәт ачылды.

М-7 трассасында авыр хәлгә юлыккан машина йөртүчеләр «кайнар линия» телефонына шалтырата алалар - 8 (843) 292 64 09

Тулырак мәгълүмат - газетабызның иртәге санында.

^{Фотолар: vk.com}