Ни өчен россиялеләр сирәгрәк аерылыша башлаган?

Моның төп сәбәбе - экономик хәлләрнең начараеп китүеннән, дип яза "Известия". Ни дисәң дә кыен вакытта тормышны бергәләп алып бару җиңелгәрәк туры килә бит.

Быелның гыйнварында 1000 никахның 621е аерылышу белән тәмамланган. Узган елның шул вакытында  исә, бу саннар 12%ка күбрәк булган - 705не тәшкил иткән. Кредитларның күп булуы, эш мәсьәләсе белән бәйле төрле хәлләрнең килеп чыгуы гаиләләрнең таркалмавына сәбәпче икән.

Әле моның белән генә бетми: хөкүмәт тарафыннан гаиләләрне ныгыту өчен башкарыла торган сәясәтнең дә роле зур. Мәсәлән, яшь гаиләләргә бирелә торган ташламалы ипотека шулай ук гаиләләр ныклыгы өчен "эшли" икән.

Фото: pixabay.com