#Төп тема 05 ноябрь 2018, 10:10

Пассажир йөртүчеләргә транспорт чарасына махсус лицензия алу өчен язга кадәр вакыт бирелде

05 ноябрь 2018, 10:10

Коммерция нигезендә пассажирлар йөртү белән шөгыльләнүче барлык компанияләр март башына кадәр транспорт чарасына лицензия алырга яки аны яңадан рәсмиләштерергә тиеш. Бу хактагы закон «Российская газета»да дөнья күрде, дип яза «Татар-информ».

Скопировать ссылку

Пассажир йөртүчеләргә транспорт чарасына махсус лицензия алу өчен язга кадәр вакыт бирелде

Моңа кадәр пассажирларны заказ буенча йөртү өчен рөхсәт кирәкми иде. Бу исә пассажирларны заказга йөртәбез дигән булып, даими рейслар оештырылуына, автобус хуҗаларының паркларның техник торышы, шоферларның хезмәте һәм ялы, аларның һөнәри әзерлегенә кагылышлы таләпләрне үтәмәвенә китерде. Нәтиҗәдә юл-транспорт һәлакәтләре артты.

Ространснадзор мәгълүматлары буенча, мондый юл һәлакәтләрендә үлүчеләр саны узган елның шул чоры белән чагыштырганда 2,5 тапкыр арткан.

Күзәтчелек ведомствосында искәртүләренчә, пассажирларны заказ буенча йөртүчеләргә лицензия алу өчен дүрт ай вакыт җитә.

Ә менә автопаркны яңа тахографлар белән җиһазландыру һәм мониторинг системасын булдыру өчен закон нигезендә бер ел вакыт бирелә.

Фото: «Татар-информ»

Кызыклы яңалыкларны күзәтеп бару өчен безнең МАХ каналына кушылыгыз.

#пассажирлар йөртү