Рөстәм Миңнеханов Россия авыл хуҗалыгы министры Николай Федоров белән "Майский" теплица комбинатында булды

Татарстан Президенты Рөстәм Миңнеханов Россия авыл хуҗалыгы министры Николай Федоров белән Яшел Үзән районындагы "Майский" теплица комбинатында булды.

Мәртәбәле кунакларга кыяр, помидор, борыч, каен җиләге үстерелә торган теплицаларны, салат линиясен күрсәттеләр, җитештерү күләме һәм продукция өстенлекләре турында бәян иттеләр.

Искәрмә, бүген Россия авыл хуҗалыгы министры Николай Федоров Казанда язгы кыр эшләренә кагылышлы сораулар буенча утырыш уздырачак. Аерым алганда, утырышта регионнарның агросәнәгать комплексына оператив ярдәм күрсәтү, Идел буе федераль төбәгендә ябык грунтта яшелчә үстерүне киңрәк җәелдерү турында сөйләшенәчәк.