СУЫТА: бу атнада 15 градус салкыннар көтелә

Татарстан Гидрометеорология үзәгенең метеофаразлар бүлеге җитәкчесе Ирина Трущина "ШК"га ял көннәрендә һава торышының нинди булачагы турында сөйләде.

– Бүгеннән көннәр суыта башлый, яңгыр ява. Республикада салкын арктик циклон үтеп керәчәк. Шимбәгә каршы төндә 4-9 градус суык була, кайбер урыннарда температура 13 градуска кадәр төшә. Шимбә көндез -1дән -6га кадәр булачак. Шимбәдән якшәмбегә тагын да суыта. Температура -7дән -12 га кадәр төшәр дип көтелә. Кайбер җирләрдә 15 градуска кадәр салкынайта. Көндез -2 дән -7гә кадәр булачак. Салкын һава торышы икенче атнага да саклана. Явым-төшемнәр көтелми, – диде ул безгә.

Күрше Башкортстан республикасында атна ахырына төнлә -21 градус күрсәтә. Көндез -5, -10° градус булачак. 9-10 ноябрьдә кар явар дип көтелә.

Фото: pixabay.com