Татарстанга әбиләр чуагы сентябрьнең икенче яртысында килә
Татарстанга әбиләр чуагы сентябрьнең икенче яртысында килә. Айның беренче декадасындагы аномаль җылы һаваны салкыннар алыштырачак, ә аннары республикада янә җылыта. Бу турыда «Татар-информ»га КФУның Экология һәм табигатьтән файдалану институтының метеорология, климатология һәм экология кафедрасы мөдире Юрий Переведенцев сөйләгән.
Татарстанга әбиләр чуагы сентябрьнең икенче яртысында килә. Айның беренче декадасындагы аномаль җылы һаваны салкыннар алыштырачак, ә аннары республикада янә җылыта. Бу турыда «Татар-информ»га КФУның Экология һәм табигатьтән файдалану институтының метеорология, климатология һәм экология кафедрасы мөдире Юрий Переведенцев сөйләгән.
«Россия Гидрометеорология үзәге фаразлары буенча, Татарстанда сентябрь җылы була. Төбәктә айлык уртача температура нормадан 1,5 градуска югары булырга мөмкин. Ул температура күпьеллык чорда 12 градус чамасы җылы тәшкил итте. Явым-төшем норма буенча 50 мм чамасы дип фаразлана», – дигән эксперт.
Республика территориясендә сентябрьнең беренче декадасы эссе булды. Тәүлек буе уртача температура 15 градустан түбән булмаган чор климатик җәй дип атала. Хәзер Татарстанда уртача температура нормадан 3-4 градустан югары. Җылы һава торышы 10 сентябрьгә кадәр сакланырга тиеш.
«Икенче декадада һава торышы үзгәрәчәк. Температура сизелерлек төшәчәк. Хәзер көндез һава температурасы 23 градуска кадәр җылына икән, икенче декадада температура 17 градуска кадәр төшәчәк. Әгәр антициклон килә икән, әбиләр чуагы җитәчәк», – дип ачыклык кертте агентлык әңгәмәдәше.
Эксперт сүзләренчә, гадәттә Татарстанда әбиләр чуагы 12 сентябрьдә була. Әмма быел җылы көннәр соңрак булачак. Әбиләр чуагы – ул салкын һава торышыннан соң коры кояшлы һава торышы булуы. Быел ул 20 сентябрьгә туры килергә мөмкин.
Кайвакыт әбиләр чуагы 1-2 атна, ә кайвакыт 1-2 көн була. Гадәттә бу чорда көндезге температура 20 градустан югары була.
Илдар Мөхәммәтҗанов фотосы
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Татарстанда кайбер белгечләргә 500 мең сум түли башларга мөмкиннәр
-
#Язмалар
«Өйдә барыбыз да мари телендә сөйләшәбез»: Балтачта халыклар дуслыгының сере нидә?
-
#Кыскача яңалыклар
Азнакай районында юл-транспорт һәлакәтендә яшүсмер һәлак булган
-
#Кыскача яңалыклар
Фатир арендалау арзанайган: Казанда бәяләр бер елда 11 процентка төшкән
-
#Җәмгыять
Казанда «Ярдәм» инклюзив үзәге ачылды: инвалидлар өчен нинди мөмкинлекләр бар?
Комментарийлар
0
0
Эбилэр чуагы сентябрьдэ тугел , э октябрьдэ була.Сентябрь ае ул болай да жэй аена кушылып китэ.Белмичэ нэрсэгэ телэсэ нэрсэ язарга. Октябрь аенда 3 тапкыр буларга момкин. 2 дэн 5 конгэ кадэр сузылырга момкин.
0
0