Укытучылар пенсиясе турында 3 сорауга ҖАВАП

– Вакытыннан алда пенсиягә чыгу яше дә акрынлап арттырыла. Сезнең очракта әгәр дә пенсиягә чыгу өчен кирәкле эш стажы 2019 елның июленә җыелып бетә икән, пенсия рты елга кичектерелә. Әгәр дә «выслуга лет» буенча 2020 елда чыгарга тиешле булсагыз, ел ярымга озайтыла. Ә инде 2021 елда әлеге төр категория буенча пенсиягә чыгучылар өч елдан гына пенсия алырга хаклы. 2023 елдан исә укытучылар «выслуга лет» буенча пенсиягә биш ел узгач кына чыга алачак.

Пенсиягә чыгу хокукына быелның 26 апрелендә ия булам. Шул вакытка 25 ел педагогик стажым җыелып бетә. Закон буенча стажым җыелса да, ярты елдан соң гына пенсия алу хокукына ия булам икән. Миңа пенсия билгеләүне сорап кайчан мөрәҗәгать итәргә кирәк? Хәзерме, алты айдан соңмы?

Фәния Хәкимова, Яшел Үзән.

– Әгәр дә сезнең педагогик эш стажыгыз 26 апрельгә 25 ел була икән, чынлап та закон нигезендә пенсия бары ярты елдан соң гына билгеләнә. Шуңа да гариза белән бары алты ай узгач кына мөрәҗәгать итәргә кирәк.

Мин – эшләүче пенсионер. Педагогик стажым – 36 ел. Сентябрьдә миңа 55 яшь тула. Шуннан соң пенсиям артачакмы?

Сания Мөхәммәтгалиева, Әлмәт.

– Юк, «выслуга лет» өчен пенсияне арттыру каралмаган. Дөрес, пенсия баллары белән бәйле рәвештә пенсиягезне яңадан исәпләргә мөмкиннәр. Ә пенсия баллары пенсия бүлегенә күчереп барган иминият кертемнәрегез суммасына бәйле. Эшләүче пенсионерларның пенсияләрен 1 августтан яңадан исәплиләр.

Фото: vogazeta.ru