#Төп тема 29 октября 2016, 06:54 Уку өчен 3 минут

Ял көннәре атнаның – чәчәкләре, гөлләре...

29 октября 2016, 06:54

Уку өчен 3 минут

Бүген Казанда узачак чаралар исемлеге белән танышыгыз.

Скопировать ссылку

Ял көннәре атнаның – чәчәкләре, гөлләре...

Бүген Казанда узачак чаралар исемлеге белән танышыгыз.

Виниломания - пластинкалар күргәзмәсе

Бүген ROCKSTAR BARда винил пластинкалар күргәзмәсе - Виниломания уза. Әлеге чара музыка индустриясендә барган барлык яңалыклардан хәбәрдар булырга яратучылар өчен бик кызыклы булачак. Күргәзмәдә тәкъдим ителгән әсбаплар жанр һәм чор белән чикләнмәгән.

Вакыты: 11.00

Авыл хуҗалыгында кунакта

Һәр атнаның шимбәсендә Игенчеләр сарае каршында казанлылар һәм башкала кунаклары өчен "Авыл хуҗалыгында кунакта" дип аталган мәдәни-күңел ачу чарасы үткәреләчәк. Чарада "Яшь профессионаллар" чемпионаты кысаларында мастер-класслар узачак. Моннан тыш, кунаклар спорт ярышларында катнаша, үзләрен ГТО нормалары буенча әзерлекләрен тикшерә алачаклар.

Вакыты: 11.00

"Антипати" бомж-кичә

Шимбә көнне Алафузовлар фабрикасында гадәти булмаган кичә уздырыла. Хеллоуин "Антипати" - бомж-кичә форматында оештырыла. Ягъни Хеллоуинга күңел ачарга килүчеләр яшәргә урыннары булмаган кешеләр кыяфәтенә керергә тиеш.

Вакыты: 14.00

"Призрак оперы"

Тагын бер Хеллоуин кичәсе Брассерия ресторанында уза. Анысы "Призрак оперы" мюзиклы мотивлары буенча оештыралачак.

Вакыты: 21.00

Хоккей

Спорт яратучылар бүген "Татнефть-Арена"да "Ак Барс" командасы өчен җан ата ала. Ул Екатеринбургның «Автомобилист» командасы белән очраша.

Вакыты: 17.00

Театрларда һәм концерт залларында

Г.Камал исемендәге Татар дәүләт академия театрында П.А.Ойунский исемендәге Саха академия теарты гастрольләре. 29 октябрьдә алар «Бернарда Альба йорты» (Ф.Г.Лорка) спектаклен тәкъдим итә. (Вакыты: 18.00) Һәм шушы ук көнне камаллыларның «Җәйнең бер көнендә» (вакыты: 19.00) драмасы куела.

К.Тинчурин исемендәге татар дәүләт драма һәм комедия театрында - сәгать 17.00 дә "Әллә язмыш, әллә ялгыш" комедиясе, "Болакта" Яшьләр театрында сәгать 18.00 дә - "Одержимый" (пластик драма), Яшь тамашачылар театрында сәгать 18.30 да - "Очень простая история" спектакле күрсәтелә.

Г. Тукай исемендәге Татар дәүләт филармониясендә сәгать 18.00дә Рөстәм Вәлиевның тууына 55 ел тулуга багышланган "Якты моң" концерты уза. Ә "Пирамида" күңел ачу комплексында - Сергей Лазерев (Вакыты: 18.00), "Эрмитаж" концерт-холында Казахстанның популяр рэп башкаручысы Скриптонит концерт куя. Вакыты: 19.00.