Язгы каникуллар 19 мартта башлана!

Татарстан Президенты Рөстәм Миңнеханов мәктәп каникулларын 19 марттан башларга кирәк дигән йөкләмә биргән. Бу хакта республика лидеры матбугат хезмәте җитәкчесе Лилия Галимовага сылтама белән "Татар-информ" хәбәр итә.

Шул рәвешле, мәкттәпләрдә язгы каникуллар вакытыннан алдарак башланачак. Татарстан Президенты шулай ук Казан шәһәрендә дистанцион укыту мөмкинлекләрен эшкә җигүне тикшерергә кушкан. Әгәр дә инде каникулларны озайтырга туры килсә.

Сәбәбе шул ук - коронавирустан саклану чаралары. Билгеле булганча, 15 апрельгә кадәр республикада санитар-эпидемиологик режим кертелде.