Рөстәм Миңнеханов VietJet Air Вьетнам авиакомпаниясе җитәкчелеге белән очрашты

VietJet Ai r- Вьетнамның иң эре лоукостеры, илнең беренче шәхси авиакомпаниясе. 2007 елда нигезләнгән. 20дән артык илдә 150дән артык даими маршрутны үз эченә ала. Авиакомпания Казаннан Вьетнамның популяр Дананг һәм Нячанг курортларына чартер рейсларын башкара.

Нгуен Тхи Фыонг Тхао 1992 елда Плеханов университетын тәмамлаган.

"Сезне Казанда сәламлим, Казан бу көннәрдә Россия - АСЕАН саммитын кабул итә, ул безнең ил белән әлеге оешма арасында мөнәсәбәтләр урнаштыруга 35 ел тулуга багышлана. Республика белән хезмәттәшлекне үстерү белән кызыксынуыгыз өчен рәхмәт», - диде республика Рәисе.

Ул ассызыклаганча, Россия-Вьетнам дустанә мөнәсәбәтләренең күптәнге тарихы бар. Татарстанның шулай ук Вьетнам партнерлары белән хезмәттәшлек тәҗрибәсе бар, яхшы сәүдә-икътисадый элемтәләр җайга салынган.

"Вьетнам Россия, аерым алганда, Татарстан туристлары арасында зур популярлык казанды.  Эшлекле һәм туризм элемтәләрнең алга таба үсешенә даими турыдан-туры авиарейслар ачу ярдәм итәр иде. Вьетнам динамик рәвештә үсә. Вьетнам бизнесы Россия базарында эшләү белән кызыксына. Бездә, үз чиратыбызда, инвесторлар өчен яхшы шартлар тудырылган. Хезмәттәшлегебез үсешенә шат булачакбыз", - диде Рөстәм Миңнеханов.

Нгуен Тхи Фыонг Тхао Рөстәм Миңнехановка кунакчыл кабул итүләре өчен рәхмәт белдерде. "Соңгы 10 елда без Россия белән сәүдә-икътисадый элемтәләрне үстерү процессларында актив катнашабыз. Без киләчәктә дә Татарстан белән эшлекле, мәдәни һәм гуманитар элемтәләрне ныгыту өчен бөтен көчебезне куячакбыз», - диде ул.

Татарстан Республикасы Рәисе сайтыннан.