Россиядәге иң озын кыяр Казанда үстерелгән!

Эмина Вахитова – һәвәскәр бакчачы. 2025 елның язында ул «Восточный деликатес» сортлы кыяр утырткан. Теплицада үскән кыяр бик озын булып үсеп китеп, әкренләп аның зурлыгы Россиядә элек теркәлгән барлык күрсәткечләрдән артып китүе ачыклана. «Мин парникта яшелчәләрне күп еллар үстерәм. Бар да гадәти: су сибәм, карыйм, органик ашламалар кулланам. Ләкин бу кыяр башкачарак үсте. Ниндидер мизгелдә мин аны гадәти уңыш буларак кабул итми башладым һәм аны күзәтеп тордым", – ди Эмина Вахитова.

Татарстан Авыл хуҗалыгы һәм азык-төлек министрлыгы вәкилләре белән берлектә уздырылган җентекле контроль үлчәүләрдән соң кыярның рекордлы озынлыгы – 93 см булуы ачыклана. Моннан тыш, аның массасы 2 820 грамм, ә диаметры 23 см тәшкил итә. Әлеге параметрлар рәсми рәвештә теркәлә һәм бу казанышны илкүләм реестрга кертергә мөмкинлек бирә.

Әлеге рекорд Аурика Рехалова тарафыннан 2024 елның октябрендә элегрәк куелганыннан (85 см) артып киткән.

Чыганак: https://agro.tatarstan.ru/