Мәскәүдә бер яшьлек бала берничә көн үлгән әнисе белән яшәгән

27 яшьлек хатынның гәүдәсен 16 мартта тапканнар. Берничә кат өстә аның абыйсы яшәгән, әмма алар үзара аралашмаган, шуңа аннан ярдәм сорамагандыр инде. Алар икесе дә балалар йортында үскән һәм бер йорттан фатир биргәннәр.

Соңыннан билгеле булганча, күршеләре хатынның борчылган булуын күргән, ул баласының әтисе килеп, аны фатирдан чыгара алмавын, тегесенең янавын сөйләгән. Күршесе полиция чакырткач, ирне килеп алып киткәннәр.

Тик тиздән ул кире кайткан. Күршесе хәл белеп хатынга шалтыраткан, ул телефонын алмаган. Абыйсына хәбәр иткәннәр һәм ул полициягә чакырткан. Алар фатир ишеген ачып кергән. Өйдә үлгән хатын гәүдәсенә тап булганнар, кызы һәм элекке ире дә шунда булган. Ирне полиция алып киткән.