#Төрлесе 23 октябрь 2016, 11:34

«Һөнәр» фестиваленең көннәре билгеле

23 октябрь 2016, 11:34

VIII «Һөнәр» Бөтенроссия яшь татар режиссурасы фестивале Казанда 19-25 ноябрьдә узачак. Мәскәү, Санкт-Петербург, Красноярск, Уфа, Чаллы, Казан шәһәрләреннән килгә иҗат төркемнәре 16 спектакль күрсәтәчәк.

Скопировать ссылку

Фестивальдә яшь режиссерлар үзләренең хезмәт җимешләрен тамашачыларга тәкъдим итә. Анда 35 яшькә кадәр булган режиссерларның спектакльләре яки ул яшьне узган булса да, режиссерның дебют эшеннән соң 5 ел дәвамында куйган спектакльләре катнаша ала. Тамашачылар соңгы ике сезонда куелган спектакльләрне генә күрә алачак.

Спектакльләр Камал театрының зур һәм кече сәхнәләрендә, Яшь тамашачылар театрында (ТЮЗ), Болак буе яшьләр театрларында, Лядской бакчасында, «Угол» иҗат лабораториясендә һәм Ленин исемендәге Мәдәният сараенда узачак.

Фестивальне Татарстан Республикасы Мәдәният министрлыгы, Татарстан Республикасы Театр эшлеклеләре берлеге, Г.Камал исемендәге Татар дәүләт академия театры оештыра.

Кызыклы яңалыкларны күзәтеп бару өчен безнең МАХ каналына кушылыгыз.