Тинчурин театрында бәби туе: Артем белән Резедәнең сабыйлары туды

«Дуслар, бездә сөенечле хәбәр! Театрыбызның әйдәп баручы артистлары - Артем Пискунов белән Резедә Сәләхованың 3 мартта уллары туды. Кадерле Артем, Резедә, шатлыгыгызны уртаклашабыз! Сабыегыз сезне куандырып, игелекле, бәхетле, акыллы, сау-сәламәт, үзегез кебек сәләтле, кешелекле булып үссен! Сезгә гаилә иминлеге, бәрәкәтле тормыш, иҗади уңышлар телибез!», - дип язганнар тинчуринлылар театрның аккаунтында.

Бәхетле әти-әни быел Татарстанның Муса Җәлил исемендәге премиясенә ия булганнар иде. Талантлы үрнәк гаиләгә без дә бәхет, сәламәтлек һәм уңышлар теләп калабыз.