Фәния Шәмсемөхәмммәт кызы үзенең колхозда эшләвен дә, төрле эшләрдә йөрүен дә искә алды. Карачтау авылыннан Караширмәгә кияүгә килә. Үзе дә дүрт балага гомер бирә. Өч кыз, бер малай үстергәннәр. Улы күптәннән вафат инде. Хәзер Фәния әби килене Мәдәния апа һәм оныклары тәрбиясендә тора.
– Килен генә түгел, ул мине кызым. Килен генә түгел, – дип әйтүләре дә йөрәккә сары май булып ятты.
Әбинең тәрбиядә торганы күренеп тора.
Үз җаена гына үз өендә матур итеп яшәп ятуы. Әнә күз явын алырлык карават һәм диван җәймәләрен дә үзе эшләгән ул. Әнә чигү җепләре дә өелеп тора, эшлисе кулъяулыклары күп әле.
– Элек бик күп бәйләдем. Анда бар, монда да бар эшләгән әйберләрем. Нәрсәгә тотсам, шуны эшлим. Эшләргә бик яратам. Бер дә тик утырасым килми. Күзләрем күрә, Аллага шөкер. Китаплар да, газеталар да укыйм. Биш вакыт намазымны калдырмыйм, – дип сөйли Фәния әби.
Без әбигә саулык-сәламәтлек теләп хушлаштык. Күңелдә аның матур бер образы калды. Мондый зиһенле, камил акыллы өлкән буын кешеләренә карап сокланасы килә. Ныклы буын кешеләре бит алар, ныклы буын! Авыру-сырхауларга бирешмичә, йөзгә кадәр яшәгез әле, әбекәйләр!
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар