“Ак Барс”ның Гагарин кубогы өчен көрәштә икенче көндәше ачыкланды

“Ак Барс” хоккей командасының Гагарин кубогы өчен көрәштә икенче раундтагы көндәше билгеле булды. Ул – “Салават Юлаев” клубы.

Бүген Уфа хоккейчылары Омскиның “Авангард” командасы белән алтынчы очрашуны үз файдасына төгәлли алды – 4:1. Шулай итеп сериядә исәп Уфа клубы файдасына 4:2 булды. Шунысын да әйтергә кирәк: бүген төп капкачы Игорь Бобков 3 алка керттергәннән соң “Авангард капкасына Эмиль Гарипов басты һәм башка бер  гол да керттермәде. Ләкин уен язмышы хәл ителгән иде инде.

Исегезгә төшерәбез: Гагарин кубогында “Ак Барс” командасы Көнчыгыш конференциядә иң беренче булып ярымфиналга чыкты – 8 мартта дүртенче тапкыр “Нефтехимик”ны отты. Серия “коры” исәп белән төгәлләнде – 4:0 (4:1, 5:1, 2:1 ОТ, 1:0).

“Ак Барс” Көнчыгыш конференциядә “Салават Юлаев”ка каршы ярымфинал сериясен 18 мартта Казанда башлый.

Фото: ak-bars.ru