Алла Пугачева 11 ел элек үк күкәй күзәнәкләрен туңдырып куйган булган

Күрәсең, шуңа да, Гарри белән Лизаның туу сенсацион яңалык булды. 
Əлеге иҗади гаиләдә туган балалар турында 5 кызыклы факт. 
1. Примадоннага балаларны суррогат әни табып бирә. Алла белән Максим - игезәкләрнең биологик әти-әнисе. 
Балалар алып кайту - Алланың үз теләге була. Күкәй күзәнәкләрен ул 11 ел элек үк туңдырып куйган була. 

2. Гарри белән Лизаның ике нянясы бар. Аларны дуслары ярдәме белән тапканнар. Хәтта иң яхшысын сайлау өчен кастинг та уздырганнар дип яза шоу-бизнес сайтлары. 

3. Балалары да музыкага гашыйк. Гарри хәтта музыка коралларында да уйный белә. 

4. Гарри - әтисенә, Лиза әнисенә охшаган. 

5. Игезәкләрне бер дә очындырмыйлар. Гаиләне таныш-белешләре сөйләвенчә, Гарри белән Лиза гади һәм арзан уенчыклар белән уйнап үсә. 

Зоя СОЛОШИНА әзерләде