"Алтын каләм" фестиваленең татар журналистикасы буенча Гран-при иясе - Рүзәл Шәрипов!

"Алтын каләм" балалар, яшүсмерләр һәм яшьләр матбугатының XXI Республика фестивале җиңүчеләре ачыкланды. Татар журналистикасы буенча Гран-при иясе - егет кеше.

"Шәһри Казан" хәбәрчесе белдергәнчә, татар журналистикасы буенча Гран-прига Арча районыннан Рүзәл Шәрипов ия булган. Рүзәл - унынчы сыйныф укучысы. Киләчәктә журналистика юнәлеше буенча белем алырга ниятли. Шунысы да бар, фестиваль барган көннәрдә без Рүзәлгә "Шәһри Казан" газетасы редакциясендә стажировка узу мөмкинлеге бүләк иткән идек. Шундый ук мөмкинлекне без Арчаның тагын бер яшь каләм иясенә - Алсу Касыймовага да бүләк иттек.

Котлыйбыз!