#Язмалар 07 сентябрь 2023, 10:54

Әти гомере буе эчкән, әни үстергән мине

07 сентябрь 2023, 10:54

Кыз бала булачак ирен әтисенә карап сайлый, диләр. Менә әнием дә әтине дәү әтигә охшатып сайлаган. Көлеп яки ирония белән әйтүем түгел, дәү әти дә, әти дә – эчкечеләр.

Скопировать ссылку

Әнидән ни өчен әтигә кияүгә чыгуы турында әллә ничә тапкыр сораганым булды. Янәсе, әнигә ул вакытта инде 30 яшь булган һәм ул сайланып тормаган. Ул чагында әти дә алай эчмәгән, тәртипле булган, имеш. Әти дә соңлап кына өйләнгән. Кыскасы, әти белән әни арасында зур мәхәббәт булмаган, алар кирәк дип кенә гаилә корган.

Язылышып ЗАГСтан чыгып барганда, әни абынып егыла язган. Бу да үзенә күрә начар билге, диләр. Алар нибары ике ел яшәп калган, шул вакыт аралыгында мин туганмын. Шулай итеп, әти гомере буе эчкән, әни мине барлы-юклы акчасы белән үстергән, кеше иткән.

Хәзер инде мин дә кияүдә. Әмма ирем тамчы да спиртлы эчемлекләр кулланмый. Дөресен генә әйткәндә, булачак ирем әтием кебек эчкече булмаса ярар дип бик курка идем. Аллаһка шөкер, алай булмады. Шуңа күрә әтиең нинди, ирең шундый була, дигән сүзләргә ышанмагыз, кызлар!

Ландыш З.

Кызыклы яңалыкларны күзәтеп бару өчен Т елеграмга кушылыгыз.