#Язмалар 11 сентябрь 2020, 17:22

Барлык юллар Казаннан башлана

11 сентябрь 2020, 17:22

Халык телендә «Барлык юллар Римга илтә» дигән сүз бар. Рим шәһәренә юллар илтә генә. Ә бездә юллар Казанның үзеннән башлана. Татарстанның транспорт һәм юл хуҗалыгы министры урынбасары Артем Чукин сөйләгәнчә, узган ел Казан җирлегендә 47,3 километр юл төзекләндерелгән.

Скопировать ссылку

Быел “Имин һәм сыйфатлы автомобиль юллары” илкүләм проекты кысаларында тагын 91,7 километр юл капиталь яңартыла. Нәтиҗәдә, Казан агломерациясендәге юлларның 84 проценты норматив таләпләр дәрәҗәсенә җиткерелә. Алтан, Вознесенье, Северный, Борисково бистәләре юллары төзекләндерелде.
- Казанның Зур боҗра юлындагы Мидхәт Булатов урамыннан Техническая урамына кадәрге арада яңа юл төзелеше-быелның иң мөһим проекты булды. Биредә юлның беренче этабы файдалануга тапшырылды, эшләр дәвам итә, - диде Артем Чукин.

Казан шәһәре Башкарма комитетының тышкы төзекләндерү комитеты рәисе Игорь Куляжев сөйләгәнчә, Несмелов урамы буенча Горький шоссесына янәшә (дублер) юл төзелә.
- Бу юл “Серебряный бор” торак комплексы аша узып, киләчәктә М-7 “Волга” федераль автотрассасына тоташачак. “Салават күпере” торак комплексына метробуслар хәрәкәте оештыру ниятләнелә, - диде Игорь Куляжев.

Киләчәктә М-7 автотрассасына Вознесенское тракты да ялганачак. Әлеге юл Азино һәм Вознесенское торак массивларын федераль трасса белән тоташтырачак. Быел Гвардейская урамыннан Җиңү проспектына кадәрге участокта проект-тикшерү эшләре башкарыла. Вознесенское тракты шулай ук “Имин һәм сыйфатлы автомобиль юллары” федераль проекты һәм республика бюджеты хисабына гамәлгә ашырыла. Бу юл Мамадыш трактында транспорт тыгызлыгын шактый киметәчәк.

Кызыклы яңалыкларны күзәтеп бару өчен безнең МАХ каналына кушылыгыз.