Беренче көнне сайлау участокларында медицина ярдәме кирәк булмаган

Татарстанда сайлау участокларында сәламәтлеккә зыян килмәсен өчен барлык шартлар да үтәлә – һәр килгән сайлаучының тән температурасы үлчәнелә, битлекләр өләшенә, тиешле дистанция саклана.

Татарстан Сәламәтлек саклау министры урынбасары Владимир Жаворонков журналистларга хәбәр иткәнчә, тавыш бирүләрнең беренче көнендә медицина ярдәме кирәк булмаган – участокларга ашыгыч ярдәм хезмәте чакыртылмаган.
– Сайлаучының тән температурасы югары булуы ачыкланса, ә аның сайлау теләге бик көчле булса, башкаларга зыян килми торган дәрәҗәдә тавыш бирү өчен аерым шартлар булдырылган, – дип ачыклык кертте Кулланучы хокукларын яклау буенча күзәтчелек хезмәтенең (Роспотребнадзор) Татарстандагы идарәсе җитәкчесе урынбасары Любовь Авдонина.