#Язмалар 20 апреля 2021, 14:47

Май бәйрәмнәрендә Казанда кунаклар күп булачак

20 апреля 2021, 14:47

Туристлык тармагы өчен җәй май аеннан ук башлана. Беренче майдан республикада туристлык сезонына старт бирелә. Быел да, узган елдагыча, “Туристлык кэшбегы” программасы нигезендә турист алган юлламасы, елга круизы яки кунакханәдә, йә булмаса шифаханәдә яшәгәне өчен тотылган чыгымнарның 20 процентын кире кайтара ала.

Скопировать ссылку

Май бәйрәмнәрендә Казанда кунаклар күп булачак

Моның өчен төп шартлар – тур яки кунакхандә, шифаханәдә яшәү өчен «МИР» картасы белән түләү, турны Мирпутешествий.рф сайтыннан онлайн алу. Сәяхәт кимендә өч көн булырга тиеш. Акчаны 15 июньгә кадәр түләп куярга, ә сәяхәт 30 июньгә кадәр була ала. Кэшбек картага биш көн эчендә кайта.

Программа эшли башлауның беренче атнасында ук ил халкы 2,5 млрд сумлык турлар сатып алган. Кэшбек программасы белән сәяхәткә чыгучыларны Татарстанда да көтәләр. Туризм комитеты җитәкчесе Сергей Иванов сүзләренчә, май бәйрәмнәрендә Казанда кунаклар күп булачак. Казанның отельерлар ассоциациясе мәгълүматларына караганда, 30 апрельдән 3 майга кадәр отельләр 90-95 процентка тулган, кайберләрендә бу сан 100 процентны тәшкил итә. 7-9 майга – әлегә 70-75 процент.

– Болардан тыш әле фатир арендалаучылар да бар. Май бәйрәменә туристлар шактый булыр дип көтәбез. Безнең максат аларны тәмле ашату, ял иттерү, кызыклы урыннар белән таныштыру һәм шуның белән аларның күңелендә Татарстан турында җылы истәлекләр калдыру, – дип сөйләде ул матбугат очрашуында.
Ялны чит шәһәр һәм төбәктә уздырырга теләүчеләр өчен дә күңелле яңалык. Илнең унике төбәгенә авиаочышлар яңартыла. Минск, Ереван, Ташкент, Баку, Махачкала. Краснодар, Сочиларга да самолетлар очып торачак.

Фото: http://pixabay.com

Кызыклы яңалыкларны күзәтеп бару өчен Телеграм-каналга кушылыгыз.

#туризм #ЭЧКЕ ТУРИЗМ