Буй-сының зифа булсын дисәң 

Күпләр йокысыннан соң торып, ашамыйча гына чыгып китә. Бу дөрес түгел, иртәнге аш һәрвакыт ашалырга тиеш. Менюда гел клетчатка булсын, ди эксперт. Иртән ботка, йогырт яки эремчек ашарга тырышыгыз. Ә менә сөт ризыкларына килгәндә, аларны төшке ашка кадәр ашарга кирәк. Аннары эремчек, кефирның артык майлысын да, майсызын да алырга кирәкми. Уртача майлылыкта булырга тиеш ул. Көнгә бер чынаяк каһвә җитә, артыгы кирәкми. Күбрәк яшел чәй эчегез. Диетолог ябыгырга теләүчеләргә кыяр ашарга киңәш итә. Бердән, аңарда калорий аз, икенчедән, ул ашказанында шактый урын алып тора һәм аңардан соң тамагыгыз туйган кебек була. Кыяр организмнан артык сыеклыкны чыгара, шешенүне бетерә. Корсакта май тоз аркасында да җыела, чөнки ул организмда суны тоткарлый. Димәк, тозны ашауны чикләргә кирәк. Май ашаудан курыкмаска кирәк. Кайбер майлы кислоталар, киресенчә, матдәләр алмашын яхшырта һәм артык калорияне яндырырга булыша. Менюга сөмбаш (семга) яки керкә (форель) балыгын кертегез. Файдалы майлар авокадода, чикләвектә дә бар. Ябыгырга теләүчеләрнең төп ялгышы – углеводлардан баш тарту. Шикәр һәм башка шундый гади углеводлардан чынлап та баш тартырга кирәк. Ә менә макарон, ярма, икмәк һәр кешенең рационында булырга тиеш. 

(«АиФ»).