Чыршы уенчыгы ясау ЫСУЛЫ

Картоннан ике данә чыршы формасы кисәбез дә аларны бер-берсенә ябыштырабыз. Чыршыга эләр өчен элмәк калдырып, эченә җеп куеп калдырабыз. Җепнең икенче башын чыршыга төрле юнәлештә урап чыгабыз. Шул рәвешле аңарда үзенә күрә бер бизәк тә барлыкка килә. Аннары чыршыга салфетка ябыштырабыз. Салфетканы ерткалап та ябыштыра аласыз. Чыршыбыз кипкәч, аны яшел төскә буйыйбыз. Ул кипкәч, өстеннән ак төстәге буяу белән йөртеп чыгабыз. Теләгән кеше бисерлар да ябыштыра ала.