Данир Сабировның хатыны Миләүшә «Лучше всех»та катнашуның күпмегә төшүен әйтте
Беренче каналда күрсәтелә торган иң рейтинглы тапшыруларның берсе - «Лучше всех»та Казан кызы Мәрьям Сабирова да катнашты. Кем кызы икәнен игълан итмәгән очракта да, аны Данирныкы икнен аңларга була. Мәрьям әтисе кебек үк сыгылмалы, бик матур бии һәм сүзгә дә аптырап тормый.
Беренче каналда күрсәтелә торган иң рейтинглы тапшыруларның берсе - «Лучше всех»та Казан кызы Мәрьям Сабирова да катнашты. Кем кызы икәнен игълан итмәгән очракта да, аны Данирныкы икнен аңларга була. Мәрьям әтисе кебек үк сыгылмалы, бик матур бии һәм сүзгә дә аптырап тормый.
Кечкенә Мәрьям турында әнисе Миләүшә сөйләде.
- «Лучше всех»ка анкета тутыру теләге башта миндә туды. Беренче канал сайтында тутырдым да, ике көннән үк безгә шалтыраттылар һәм без җиң сызганып, чыгышыбызга әзерләнә башладык. Шоудагы биюне тренерлары Анастасия Левицкая белән Дарья Салтеева куйдылар.
Мәрьям кечкенәдән үк камералардан курыкмый, аның актерлык осталыгы - әтисеннән.
- Əлеге шоуда катнашу кыйммәт булдымы?
- Без беркемгә дә түләмәдек. Киресенчә, безнең бар чыгымнарны да капладылар.
- Мәрьям спорт белән озак шөгыльләнерме? Ул укуына комаучаламыймы?
- Озакмы-юкмы - анысы бер Ходай кулында. Сүз дә юк, спорт белән шөгыльләнү бүгенге көндә бик кыйммәткә төшә. Аеруча костюмнары.
Укуга бер зыяны да юк. Безнең укытучыбыз бик әйбәт, барысын да аңлап тора. Аннары, монда әнинең дә көче күп: 3 яшьтән үк Мәрьямне мәктәпкә әзерләү курсларына йөртте. Кызыбыз мәктәпкә барганчы башлангыч сыйныфлар программасын белә иде.
Данир Сабиров «Лучше всех»та Максим Галкинны татар телендә сәламләде. Юморчының йөзенә кызы белән горурлануы «чыккан» иде. Данир интервьюларда да кызлары турында еш сөйли. Моныңчы биргән интервьюсыннан өзек китерәбез.
- Кызларыгызның исеме ничек?
- Мәрьям һәм Дәния. Алдан ук сөйләшеп куйдык: кыз бала туа икән, исемне мин сайлыйм, малай туса — хатынга ошаган исемне кушабыз. Югыйсә, беренче кызга Миләүшә шулкадәр заманча исем кушмакчы иде... “Милана” ошый иде аңа. Шуны ишетү белән, кит, исеммени бу, алай булгач, малай тугач аңа “Интер” дип кушарбыз (Интер Милана — футбол командасы), дидем. Ул минем белән килеште, мин сайлаган исемне куштырдык. Мәрьям — Гайсә пәйгамбәрнең әнисенең исеме. Матур исем. Ә инде киләчәктә малай тугач, ул “Интер” дигәнне сайласа да, каршы килеп булмас.
- Гадәттә, балалар белән бәйле кызыклы вакыйгалар күп була...
- Килешәм. Олы кызымның теле ачылган мәле, кибетләрдә йөрибез. Елый-елый миннән са-са-са дигән әйберне таптыра. Нәрсә икәнен аңламыйм гына бит. Әнисенә дә шалтыратып карыйм, укуда иде, трубкасын алмый. Әллә суыра торган әйбер сорый микән дип, кәнфит тә биреп карыйм. Юк, тынычланмый. Бер сәгать тирәсе вакыт үткәч, хатын шалтырата: “Колбаса сорый ул”, — ди. Шулай итеп, колбаса ашаганнан соң кызым елавыннан туктады.
Беләсездер, Дубайда дөньядагы иң биек бина – Бурдж Халифа урнашкан. Аның янына төнлә килдек, җем-җем утлар белән яна иде. Бәләкәй кыз – Дания күрде дә: “Вот зур елка бу!” – ди. Чынлап та, ул бина чыршыга охшап тора бит. Рәхәтләнеп көлдек.
Вход на сайт
Язмага реакция белдерегез
Мөһим
-
#Кыскача яңалыклар
Ике татарстанлы «Бәйләүче җеп» Бөтенроссия акциясендә җиңүче булды
-
#Кыскача яңалыклар
Тәлгать Таҗетдин мөселманнарны җәмәгать урыннарында намаз укымаска өндәгән
-
#Кыскача яңалыклар
Тагын карантин: Татарстанның бер районында котыру авыруы ачыкланган
-
#Авыл
«Сорасалар да күгәрченнәремне сатмыйм, бүләк итәм»
-
#Кыскача яңалыклар
Казан-Югары Ослан паром кичүе эшен төгәлләгән
Комментарийлар
0
0
Булдырдыгыз,Данирның саф татар телендә котлавы күңелләребезгә бик хуш килде.Иҗади уңышлар юлдаш булсын сезгә!!!
0
0
0
0
такая гибкость даже Данирдан уздырды.Молодец.
0
0
0
0
Мин рахатланеп марьямнен чыгышын карадым афарин ати анисена Рахмат
0
0
0
0
Мин Данирның"кыланышларын" бигерәк тә яратам:ходай талантныбирсә дә бирә бит!Сәгатьләр буена җырлавын тыңларга әзер! Алма агачыннан ерак төшмәгән кебек,кызы Мәрьямдә үзе сымак талантлы Бик тә матур гаилә! Сезгә ак бәхетләр,саф мәхәббәт,балаларыгызның игелеген күреп,озак гомер кичерегез!
0
0
0
0
Какая молодец-умничка!Красавица!Успехов тебе и счастья!
0
0