#Язмалар 09 сентября 2018, 10:25

Этемнең күзләрен дәвалыйсым килә

09 сентября 2018, 10:25

Һөнәр алу теләге кешедә төрлечә уянадыр ул. Тирә-юньдәгеләрнең нәрсә белән шөгыльләнгәннәрен күреп, кызыгып йөрисең дә, үзең дә сизмәстән, мин дә шул һөнәрне үзләштерергә телим дисең. Мин ветеринар булырга телим. Хайваннарны бик-бик яратам. Кошларның җырын тыңлап туймыйм, яшел болында үлән күшәгән сөтлебикәләрне, колынлы атларны, чәң-чәң килеп өргән көчекләрне, мыр-мыр килеп сырпаланган песиләрне бик яратам.

Скопировать ссылку

Минем Мөхтәр исемле этем, кар кебек ап-ак Пушогым бар. Иртүк йокыдан торып ишегалдына чыгам да аларның хәлен беләм, ашарларына бирәм.

Тик көчегемнең күзләре күрми. Әтием белән әнием: «Тумыштан шулай ул», – дип тынычландырырга телиләр. Минем берничек тә килешәсем килми. Минем дүрт аяклы дустымның күзләрен ачтырасым килә. Тегендә-монда бәрелеп-сугылып йөрүенә, кинәттән килеп чыккан усал этләрнең аны кыерсытуына юл куя алмыйм. Менә шушы аяныч хәл минем ветеринар буласы килүемә сәбәп тә бугай инде. Интернеттан, газета-журналлардан, телевидение тапшыруларыннан җавап эзләп карыйм. Авылыбыз ветеринары Алия апа белән дә сөйләшәм. Ул да мине юатырга тырыша. Юк, мин барыбер ветеринар булам зур үскәч.

Филсинә Вәлиева, Әтнә районы, Ары авылы.

Фото: pixabay.com

Кызыклы яңалыкларны күзәтеп бару өчен Вконтактега кушылыгыз.

#Әтнә районының Ары авылы #ветеринария #ветеринар