Фарсель Зыятдинов бүгенге кар яву турында: «Тишелеп өлгергән яшелчәләргә зыяны бар, бәрәңгегә – юк»
Танылган бакчачы Фарсель абый Зыятдиновака да шалтыраттык. Ул да кар яуганга аптыраган.
Танылган бакчачы Фарсель абый Зыятдиновака да шалтыраттык. Ул да кар яуганга аптыраган.
– Соңгы илле елда июнь аенда кар яуганын күргәнем юк иде әле. Майның 23ендә яуганын гына хәтерлим, – диде ул.
Аның әйтүенчә, урыны-урыны белән төнлә салкынлык -1 градуска җиткән. Бакчачылар помидорлары, чәчәкләренең өстен каплап саклаган. Кемдер чиләкләр белән, кемдер дугалар куеп, полиэтилен пакет белән каплаган.
– Кишер, чөгендерләр тишелеп чыгарга өлгергән булса, кырау аларны да ала. Бәрәңгегә зыяны булмагандыр, чөнки ул туфракта, тишелеп чыкмады. Көннәр суык торганда, яшелчәләр һәм җиләк-җимеш агачларының үсеше туктала. Слива белән чия, бакча җиләгенең җимшәне формалашу озакка сузыла, алар начар формалашырга мөмкин. Ә менә алмагач белән карлыган чыдамрак. Аларга зыяны булырга тиеш түгел, – диде бакчачы.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар
0
0
Э минем бэрэнге тишелеп чыккан иде шул. Узган шимбэ кырау суккан иде, бу атнанын салкынын ничек уздырырлар инде?
0
0