#Язмалар 15 февраль 2020, 14:14

Әфганстан ветераннарын хөрмәтләделәр

15 февраль 2020, 14:14

Бүген Совет гаскәрләрен Әфганстаннан чыгу көне. Бу уңайдан Казан Кремлендә Әфганстан хәрби хәрәкәтләр ветераннарын хөрмәтләделәр. Татарстан Президенты Рөстәм Миңнеханов аларга дәүләт бүләкләре һәм автомобиль ачкычлары тапшырды.

Скопировать ссылку

«Сез – Бөек Ватан сугышы елларында дошманны җиңгән әтиләрнең һәм бабайлар батырлыгының лаеклы дәвамчылары. Бүген без шулай ук бөек татар шагыйре, Советлар Союзы Герое Муса Җәлилнең туган көнен билгеләп үтәбез. Аның иҗаты вакытлы кысаларга ия булмаган, үз халкына ихтыяр һәм мәхәббәт көченең сыгылмаслык үрнәге булып хезмәт итә», – диде Рөстәм Миңнеханов. Бу хакта «Татар информ» агентлыгы хәбәр итә.

Әфган сугышында Татарстаннан 11,5 меңнән артык кеше катнашкан, шуларның 300гә якыны һәлак булган.

Кызыклы яңалыкларны күзәтеп бару өчен безнең МАХ каналына кушылыгыз.