Фәннүр Мөхәммәтҗанов: "Никахыбызга кайтканда, юл һәлакәтенә очрадык"

“2016 елның 10 гыйнварында никахыбызга кайтып барганда, Әлмәткә җиткәндә, каты юл һәлакәтенә эләктек. Нәтиҗәдә аяк-кулларны гипсладылар... Безнең фотограф та, каршы якка килгән машина йөртүчесе дә реанимациядә ятты. Ниятләгәч, никахны уздырдык. Авыр булса да, түздек. Нишләтәсең бит, язмыштыр инде. Хәзер Аллаһка шөкер, Илүзә белән 1 һәм 5 яшьлек ике кыз үстерәбез. Юлларда исән-имин йөрегез, сак булыгыз, син булмасаң, сиңа килеп керергә мөмкиннәр”, - дип сөйләде безгә Фәннүр.

Фәннүр белән Илүзәне никах көннәре белән котлыйбыз, гаилә бәхете телибез!