#Язмалар 31 октябрь 2019, 09:33

Фотобәйгегә йомгак ясалды, иң яхшы интернет матбугат чаралары бүләкләнде

31 октябрь 2019, 09:33

«Россия халыкларының милли бәйрәмнәре» VI Бөтенроссия фотоконкурсы һәм интернет-ГМЧ өчен республика журналистлар конкурсы җиңүчеләрен бүләкләделәр.

Скопировать ссылку

Фотобәйгегә йомгак ясалды, иң яхшы интернет матбугат чаралары бүләкләнде

Чара «АРТ-галерея. Казан» күргәзмәсе кысаларында барды. Быел конкурста Россиянең 32 төбәгеннән «Иң яхшы фото», «Портрет», «Фотолар сериясе» номинацияләре буенча барлыгы 721 эш килгән. Премия фонды - 225 000 сум.

«Иң яхшы фотосурәт» номинациясендә җиңүчеләр дип түбәндәге фотографлар табылды:

1 урын - Дилмөхәммәтов Эдуард Альберт улы (Уфа)
2 урын - Кулешов Евгений Виктор улы (Казан)
3 урын - Тамбулов Григорий Ананий улы (Мәскәү).

«Портрет» номинациясендә 1 урын - Кулешов Евгений Виктор улы (Казан), 2 урын - Смольников Андрей Петр уры (Ставрополь), 3 урынны Вольвач Наталья Николай кызы алды.

«Фотолар сериясе» номинациясендә Төмәннән Моргунов Денис Валерий улы - 1 урын, Казаннан Зыятдинов Фәрит Бәдретдин улы - 2 урын, Төмәннән Добровольская Ана тасия Сергеевнаның эше 3 нче урынга лаек булды.
Фотоконкурстан тыш, интернет-ГМЧ өчен республика журналистлар бәйгесенә барлыгы 43 гариза килгән.

Гомуми премия фонды 140 000 сум тәшкил итә. Әлеге премиягә «Enter» интернет-журналы, «Чаллы хәбәрләре» газетасы сайты, «Республика Татарстан», «Ялкын» журналы сайты һәм «Мамадыш-информ» филиалы лаек дип табылды. «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев билгеләп үткәнчә, интернет-массакүләм мәгълүмат чаралары өчен мондый конкурслар тагын да популярлашыр, төбәк һәм шәһәр басмаларына үз укучыларын һәм укучыларын табарга ярдәм итәр дип көтелә.

^{Фото: Татар-информ}

Кызыклы яңалыкларны күзәтеп бару өчен безнең МАХ каналына кушылыгыз.