#Язмалар 21 декабрь 2017, 16:51

Җимеш бәлеше пешерү ЫСУЛЫ

21 декабрь 2017, 16:51

Эчлеккә: 100 грамм коңгырт йөзем, 100 грамм сары йөзем, 100 грамм күрәгә, 1,5 стакан дөге, ярты кап 72 яисә 82 процент майлылыктагы ак май, 1 чәй кашыгы тоз, 1 аш кашыгы шикәр комы, 3 стакан су

Скопировать ссылку

Камырга: 72 яисә 82 процент майлылыктагы 1 кап ак майның өчтән бер өлеше, 1 йомырка, 2 аш кашыгы майонез, стаканның дүрттән бер өлеше сөт, чама белән он.

Эш барышы: күрәгә белән йөземне юабыз, саркытабыз. 3 стакан суда 1,5 стакан дөгене пешереп алабыз. Пешергәндә бармак башы кадәр генә ак май, 1 чәй кашыгы тоз, 1 аш кашыгы шикәр комы салабыз. Аннары камыр эшенә тотынабыз. Башта 1 йомырка салып туглыйбыз. Шуңа эретеп суытылган ак май, майонез, сөт, бер чеметем тоз салып, камыр басабыз. Камырның зуррак өлешенә эчлекне җәеп салабыз, өстенә юка гына итеп киселгән ак май тезәбез, камырның читләрен ябыштырып чыгабыз. Алдан кызулатырга куелган газ мичендә өсте алсуланганчы пешереп алабыз.

Венера МӘҖИТОВА, Башкортстан

Кызыклы яңалыкларны күзәтеп бару өчен безнең МАХ каналына кушылыгыз.

#Җимеш бәлеше