#Язмалар 24 июнь 2018, 10:33

Кәҗә тотучыларга субсидия кайчан бирелә?

24 июнь 2018, 10:33

Беренче яртыеллыкта сыер асраучыларга субсидияләр бирелде. Тик кәҗә тотучыларга, акча тиеш булса да, бирелми калды. Моның сәбәбе нидә икән? Мәрьям Гарипова, Саба районы.

Скопировать ссылку

Кәҗә тотучыларга субсидия кайчан бирелә?

Татарстанның авыл хуҗалыгы һәм азык-төлек министры Марат Әхмәтов аңлатуынча, субсидия суммасын сораган вакытта барысы да исәпкә алынып бетмәгән.
– Гадәти елларда шәхси хуҗалыкларга булыша торган ярдәм суммасы 360 млн иде. Инде быел, сөт бәясе кимү сәбәпле, савым сыерларына ярдәмне көчәйтик дигән исәп белән эш иттек. Бер генә сыер тоткан кеше аны үз ихтыяҗларына гына куллана, сөт сатасы юк. Сөт бәясе аларга йогынты ясамый дип, 1 литр сөткә 2 сум дип утырттык. Ике-өч сыер асраучыга – 3 мең сум, өч баштан артса, һәр сыерга 4әр мең сум күләмендә субсидия билгеләдек. Күрәсең, сумманы сораган вакытта санап бетермәгәнбез. Акча берникадәр җитми калды да, без кәҗә асраучыларга икенче төрлерәк караган кебек килеп чыкты. Әмма беренче яртыеллыктагы җитешсезлекне дә төзәтеп, икенче яртыеллыкта кәҗә асраучыларга тиешле сумманы җиткерәчәкбез, – диде ул, әлеге сорауга җавап итеп.

фото: svoya-izba.ru

Кызыклы яңалыкларны күзәтеп бару өчен Т елеграмга кушылыгыз.

#субсидия