#Язмалар 27 март 2018, 11:08

Кемероводагы фаҗигадән соң митингка чыккан халык губернатор һәм мэрның отставкага китүен таләп итә

27 март 2018, 11:08

Кемеровода митингка чыккан кешеләр Кемерово өлкәсе губернаторы Аман Тулеев һәм шәһәр мэры Илья Сердюковның отставкага китүен таләп итә, дип яза «Коммерсантъ».

Скопировать ссылку

Бүген Кемеровода 1,5 меңнән артык кеше «Зимняя вишня» сәүдә-күңел ачу үзәгендә чыккан янгында һәлак булганнарны искә алу өчен минингка җыелды. Янгында 64 кешенең гомере өзелде, алар арасында балалар да бар.

Митинг шәһәр хакимияте бинасы янында башланып китте, аннары кешеләр өлкә хакимияте бинасына күчте.

Инде хәбәр ителгәнчә, янгын 25 мартта «Зимняя вишня» сәүдә-күңел ачу үзәгенең дүртенче катында чыккан. Россия Президенты Владимир Путин да, хастаханәгә килеп, янгында зыян күргән кешеләрнең хәлен белгән.

Татар-информ

Кызыклы яңалыкларны күзәтеп бару өчен безнең МАХ каналына кушылыгыз.

#Кемерово