Хафиз Миргалимов коронавируска тест тапшырган. Бүген ул сессиядә дә катнашмады

Татарстан коммунистлары лидеры Хафиз Миргалимов коронавируска тест тапшырган. Хәзерге вакытта ул карантинда.

Хафиз Миргалимов бүген Дәүләт Советы сессиясендә дә катнашмады. Татарстан Президенты Рөстәм Миңнеханов үзенең бер комментариесендә икенче бер коммунист Артем Прокофьевка эндәшеп, лидерыгызны саклый алмадыгыз дип белдерде.

"Татар-информ" хәбәр иткәнчә, Миргалимов үзенең тест тапшыруын раслаган, ләкин авырыймы, юкмы икәнен әлегә әйтә алмый икән.

Кичә, Владимир Ленин туган көндә, Миргалимов Казанның Ирек мәйданында Ленин һәйкәленә чәчәкләр кую чарасында катнашкан иде. Битлек тә кимәгән булган.