Хезмәткәрләрне эштән җибәргәндә, тиз арада Пенсия фондына хәбәр бирегез!

Бу мәшгульлек органнарының эшсезлек буенча пособиеләр билгеләгәндә актуаль мәгълүматлардан файдалануы өчен кирәк.

Гариза биргәннән соң, мәшгульлек хезмәте 10 көн дәвамында гражданга аның белем дәрәҗәсе һәм квалификациясенә туры килә торган вакансияләр тәкъдим итәчәк. Әгәр тәкъдим ителгән вакансияләр туры килмәсә, мөрәҗәгать иткәннән соң 11-нче көнгә аңа автомат рәвештә эшсезлек буенча пособие билгеләнәчәк.

Исегезгә төшерәбез, 1 марттан башлап эштән киткән яки эшсез дип танылган гражданнар (хезмәт дисциплинасын бозган өчен эштән азат ителгәннәрдән тыш), 3 ай, апрельдән июньгә кадәр, эшсезлек буенча 12130 сум күләмендә максималь пособие алачак. 18 яшькә кадәрге балалары булган гражданнар категориясендә эшсезлек буенча пособие һәр бала өчен 3000 сум исәбеннән арта.

Эшсез гражданнарга теркәлү өчен «Россиядә - эш» порталында гариза бирү һәм резюме тутыру да җитә. Мәшгульлек хезмәтенең калган мәгълүматларын ведомствоара хезмәттәшлек юлы белән тикшерәчәкләр.

Моннан тыш, эш бирүчеләр шәхси эшмәкәр эшчәнлеген бетерү яки туктату, хезмәткәрләр санын яки штатын кыскарту һәм хезмәт килешүләрен өзү ихтималы турында белешмәләр, шулай ук «Россиядә - эш» вакансияләр базасының мәгълүмати-аналитик системасында мәшгульлек турында башка белешмәләр бирергә тиеш.

Эш бирүче әлеге системада теркәлергә һәм үзенең шәхси кабинетында мәшгульлек турында мәгълүмат урнаштырырга тиеш. Үзгәртелгән белешмәләрне системага кертү өчен конкрет вакыт билгеләнде - эш бирүче күрсәтелгән мәгълүматны, мондый мәгълүматка кертелгән белешмәләрне үзгәртү көненнән соңгы эш көненнән дә соңга калмыйча урнаштырырга тиеш.

Чыганак: kzn.ru