Хәлимә Искәндәровага - 80 яшь!

Бүген Татарстанның атказанган артисты Искәндәрова Хәлимә Шакир кызының туган көне. Танылган актриса үзенең 80 яшьлек юбилеен билгеләп уза.

Бу хакта Камал театры сайтында хәбәр ителә. "Хөрмәтле Хәлимә  Шакировна, Сезгә ихлас күңелдән исәнлек-саулык, гаилә иминлеге һәм тагын озак еллар дәвамында театр сәнгатеннән аерылмавыгызны телибез!", диелә коллегалары урнаштырган котлауда.

Хәлимә Искәндәрованы улы - Түбән Новгород губернаторы урынбасары Игорь Носов та котлый. Инстаграмындагы сәхифәсендә ул әнисенең беркайчан да пионерка булудан туктамавын искәртеп, саф татача "Юбилеең белән, Әнием" дип язып куйган.

Игорь Носов моннан берничә ел элек Татарстанда эшли иде. Аерым алганда, ул "Иннополис"ны җитәкләде. Еллык коллегияләрнең берсендә Носов татар телендә чыгыш ясады. Ачыкланганча, Игорь Носов Хәлимә Искәндәрованың улы булып чыкты. Егетнең кечкенәдән театрда массалы күренешләрдә уйнаганы да, Казанда туып, Мәскәүдә, аннан Бөекбританиядә, АКШта укыганы да, татар, рус, инглиз телендә камил сөйләшүе, үз баласы белән дә татарча сөйләшкәне билгеле булды.