#Язмалар 12 март 2020, 13:46

Көрәш ярышлары узармы?

12 март 2020, 13:46

Көрәш сөючеләрдән "Коронавируска бәйле ярышлар туктатылмасмы, Россия беренчелеге узармы икән?" дигән сорау килгәч, без тиешле федерацияләргә шалтыратып, бу хакта белешергә булдык.

Скопировать ссылку

Бу атнада узачак яшьләр арасындагы Россия беренчелеге вакытында һәм урынында узачак, дип хәбәр иттеләр безгә Россиянең көрәш федерациясе матбугат үзәгеннән.

Татарстанның көрәш федерациясе башкарма директоыр Равил Хәйруллин да әлеге мәгълүматны раслады. Аның сүзләренә караганда, әлегә төгәл Әлмәттә узарга тиеш булган "Алтын сөлге" бәйгесе булмаячак. Шулай ук Данил Галиев истәлегенә дә турнир үткәрелүе әлегә сорау астында икән. "Әлеге бәйгене "Шинник" спорткомплексы оештыра, ә алар, билгеле булганча, "Татнефть" карамагында эшлиләр", диде безгә Равил Гарифуллович.

Безгә килеп ирешкән мәгълүматларга караганда, әлегә "Ак Барс" - "Салават Юлаев" очрашуына да билетлар сату тукталыган икән...

Кызыклы яңалыкларны күзәтеп бару өчен Т елеграмга кушылыгыз.