#Язмалар 10 май 2020, 18:46

Кычыткан ашап дәваланабыз

10 май 2020, 18:46

Кычыткан С витаминына бай. Каротин матдәсе кишергә караганда да күбрәк санала. Шулай ук бу үсемлектә кальций, хлорофил, фитоцид, магний, тимер кебек элементлар да күп.

Скопировать ссылку

Файдасы
Иң мөһиме – кычытканны транспорт йөри торган урыннан җыярга ярамый. Кычыткан суы белән элек электән чәч чайкаганнар. Ул чәчне үстерә, ялтырата дип санала. Кычыткан согы күрем көчле килгән вакытта канны туктату үзлегенә ия. Климакс вакытында да хатын-кызлар кычыткан суының файдасын күрә. Ирлек көчен арттыруда да бу үсемлекнең орлыгы нәтиҗәле дип санала. Кычыткан ярдәмендә ябыгучылар да бар. Күз күрүен дә яхшырта.

Зыяны
Тромбофлебит, варикоз, атеросклероз, каны куе булган кешеләргә кычытканны куллану тыела. Ул кан тамырларында тромблар барлыкка китерергә мөмкин.
Кайбер вакытта кычыткан аллергия китереп чыгара.

Кызыклы яңалыкларны күзәтеп бару өчен безнең МАХ каналына кушылыгыз.

#Сәламәтлек саклау #кычыткан