Әмир, Кәрим Тимур, София, Ясминә, Әминә - соңгы сигез елда Казанда иң популяр исемнәр

Туу турында теркәлгән актларның гомуми санына караганда, гаиләдә беренче балалар – 43% (8 514 акт), икенче балалар – 38% (7 мең 478), өченче һәм аннан соңгы балалар – 19%-ны (3 мең 785) тәшкил итә. Соңгы 11 ел эчендә, өченче һәм аннан соңгы   балалар саны 3 тапкыр арткан.

Соңгы сигез елда иң киң таралган исемнәр өчлеге үзгәрешсез кала: малайлар өчен – Әмир, Кәрим һәм Тимур, кызлар өчен – София, Ясминә, Әминә. 2020 елда теркәлгән гадәти булмаган бала исемнәре: Кави, Ноэль, Темир, Владмир, Фархан, Красава, Зөләйха, Валенсия, Забава, Ханна, Юнона.

Узган елда 16758 кешенең үлеме теркәлгән, шуларның 49%-ы – ир – ат һәм 51%-ы – хатын-кыз. Шәһәрдә соңгы 11 ел дәвамында үлем турындагы теркәүләргә караганда туу турындагы теркәүләр санының артуы саклана.

Махсус эпидемиологик режимны кертү никахлар һәм аерылышулар статистикасында чагылды, чөнки 2020 елның 28-нче мартыннан һәм 12-нче маена кадәр гражданлык хәле актларының барлык төрләрен дәүләт теркәве, искәрмә буларак аерым очракларда никахлашудан тыш һәм өйләнешүче затлар үзләре генә булганда, Гражданнар хәле актларын теркәү идарәсе органнарында туктатылып торды. Узган ел йомгаклары буенча 8369 никах теркәлгән, бу узган елгыдан 19%-ка кимрәк, никахны өзү турында 3938 акт, бу шул ук чор күрсәткечләреннән 18%-ка кимрәк. Былтыр өйләнешкән өлкән яшьтәге парның киявенә – 84 яшь, ә кәләшенә 88 яшь тулган.

Казан, соңгы 11 ел дәвамында, Идел буе федераль округының миллионлык шәһәрләре арасында, никахлашу статистикасы буенча иң яхшы күрсәткечләрне саклап кала.

Чыганак: kzn.ru