Мобилизацияләнгән татарстанлыларга 350 артык “әни бәлеше” тапшырылды
Татарстанда Россия хатын-кызлар берлегенең региональ бүлеге – «Татарстан хатын-кызлары» региональ иҗтимагый оешмасы инициативасы белән оештырылган “Әни бәлеше” республика акциясе дәвам итә. Аңа бөтен республикадан диярлек мобилизацияләнгән хәрбиләргә күчтәнәчләр һәм кирәкле әйберләр җибәрүче хатын-кызлар кушылды.
Татарстанда Россия хатын-кызлар берлегенең региональ бүлеге – «Татарстан хатын-кызлары» региональ иҗтимагый оешмасы инициативасы белән оештырылган “Әни бәлеше” республика акциясе дәвам итә. Аңа бөтен республикадан диярлек мобилизацияләнгән хәрбиләргә күчтәнәчләр һәм кирәкле әйберләр җибәрүче хатын-кызлар кушылды.
Казан танк училищесы полигонындагы мобилизацияләнгән сугышчыларга 350 артык татлы бәлеш тапшырылды. Аларны республиканың Питрәч һәм Аксубай районнары хатын-кызлары пешерде.
Ә узган ялларда акция кысаларында ТР Иҗтимагый палатасы рәисе Зилә Вәлиева җитәкләгән “Татарстан хатын-кызлары” региональ иҗтимагый оешмасы вәкилләре мобилизациягә эләккәннәргә “Ярдәм” хәйрия фондыннан 100 бәлеш, шулай ук Марий Эл хатын-кызлары ясаган 200 килограммга якын пилмән һәм 20 газ пешергече тапшырды. Иртәгә исә Казанда мобилизацияләнгәннәр өчен мари артистлары һәм башкаручылары көче белән булдырылган концерт программасы оештырылачак.
“Татарстан хатын-кызлары” оешмасы вәкилләре әйтүенчә, мобилизацияләнгән сугышчылар республика акциясе кысаларында җыелган күчтәнәчләрне зур рәхмәт белән кабул итә.
Искәртеп узабыз, октябрь азагында “Әни бәлеше” акциясе кысаларында Казанның җыелма пунктында мобилизацияләнгән татарстанлылар 2 меңнән артык бәлеш һәм башка тәм-томнар, шулай ук бәйләнгән оекбашлар, бияләйләр һәм аптечкалар алды.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Шоу-бизнес
«Татар кызлары» хитына сүзләр язган 20 яшьлек кыз: «Шигырь язарга мине кайгы өйрәтте»
-
#Кыскача яңалыклар
Архив туплаган өчен - грант!
-
#Кыскача яңалыклар
Татарстанда «Минем субсидияләр» сервисы аша 2,4 млрд сумга 15 меңнән артык гариза хупланды
-
#Төрлесе
Казанда иң күп штраф җыйган оешмалар билгеле: 434 тапкыр кагыйдә бозган компания кем ул?
-
#Төрлесе
«Бәйрәм саен бер үк сүзне кабатлый»: ирем беренче мәхәббәтемне оныта алмый
Комментарийлар