Намаз укырга өйрәнәсең киләме?

Халык арасында шактый популярлык казанган кыска вакытлы әлеге курсларга язылучылар 5 дәрестә намаз уку күнекмәләрен һәм ислам дине нигезләрен бушлай үзләштерә ала.

Беренче дәрес 26 октябрь көнне Казанның Галиев мәчетендә узачак. Аларга теләгән һәркем йөри ала.

Проект дүрт ел дәвамында мәчет каршындагы курсларга йөрергә вакыты булмаганнарга гыйбадәт нигезләрен үти башларга мөмкинлек бирү өчен махсус гамәлгә ашырыла.

Дәресләр шимбә көнне иртәнге тугыздан көндезге бергә кадәр Казанның Галиев мәчетендә уза. Барлык дәресләр дә бушлай, укыту татар һәм рус телләрендә алып барыла. Дәресләрне үткәрү планына шулай ук уку өчен кирәк булган материаллар тарату да кертелгән. “Бер көнлек мәктәп”тә катнашучыларны бүләкләр көтә.
Проектта катнашу өчен +7 (843) 237-86-18 телефоны буенча язылырга мөмкин.

«Ислам. Беренче адымнар» проекты мөфтият тарафыннан беренче тапкыр 2018 елда дәгъват эшчәнлеге кысаларында тормышка ашырылды. Өч сезон дәвамында әлеге проект курсларында якынча 300гә якын кеше белем алды һәм намазга басты.