#Язмалар 02 ноябрь 2017, 15:46

Ноябрь аенда нинди бакча эшләре көтә?

02 ноябрь 2017, 15:46

Айның беренче декадасында җиләк-җимеш агачларын кимерүчеләрдән саклау эшләрен төгәлләгез. Акшарланган булуына карамастан, алмагачларның кәүсәләрен, кимерүчеләрдән һәм март аенда кояш пешерүдән саклау өчен, камыш, кура җиләге сабагы, чыршы ботаклары белән бәйләгез.

Скопировать ссылку

Октябрь аенда өлгермәгән булсагыз, алмагач, грушаның кәүсәләрен акбур эремәсе белән акшарлагыз. Бакча җиләге түтәлләрен яфрак, камыш белән каплагыз. Чиянең суыкларга чыдамсызрак Владимир кебек сортларының аскы ботакларын җиргә таба бөгеп калдырыгыз. Карлыган, крыжовник куакларын, язын кар утырганда сынудан саклау өчен, җыеп бәйләп куегыз. Җепшек кар яуган саен, агач төбе тирәләрен әледән-әле таптап торыгыз.

(«Ямь һәм тәм яки безнең бакча» китабыннан)

Кызыклы яңалыкларны күзәтеп бару өчен Т елеграмга кушылыгыз.