#Язмалар 17 декабрь 2017, 22:06

Өченче бөтендөнья сугышы башлану ихтималы булган нокталар

17 декабрь 2017, 22:06

Америка профессоры, оборона һәм милли куркынычсызлык өлкәсендәге белгеч Роберт Фарли 2018 нче елда Өченче бөтендөнья сугышы башланып китү ихтималы югары булган биш ноктаны атаган.

Скопировать ссылку

Өченче бөтендөнья сугышы башлану ихтималы булган нокталар

Беренче урында Төньяк Корея тора. Агымдагы елда, бу дәүләт ракеталар ясау өлкәсендә уңышларга ирешү сәбәпле, ярымутраудагы хәлләр тагын да кискенләште. Профессор сүзләренчә, сугыш башланып киткән очракта, күп илләр кушылачак, шул исәптән Кытай белән Япония.

Икенче нокта – Тайвань. Утрауны өлешчә Кытай Республикасы контрольдә тота. АКШ Кытайны әлеге региондагы хәрби активлыгыннан баш тартырга чакыра.

Өченче урында – Украина. Бу илдә киеренкелек бетми. Киләсе елда хакимият алышынса, хәрби бәрелеш булырга мөмкин.

НАТОның көньяк флангы, бигрәк тә Төркия, дүртенче кайнар нокта булырга мөмкин. Профессор фикеренчә, Төркия соңгы вакытта Европа союзы белән АКШтан ерагая һәм Россия белән якынаюга бара.

Соңгы куркыныч регион – Фарсы култыгы. Согуд Гарәбстаны белән Иран арасында мөнәсәбәтләр киеренке һәм бу куркыныч нәтиҗәләргә китереп чыгарырга мөмкин.

фото: cont.ws

Кызыклы яңалыкларны күзәтеп бару өчен безнең МАХ каналына кушылыгыз.

#Өченче бөтендөнья сугышы