#Язмалар 12 май 2019, 09:14

Өй юу – татарларның матур гадәте

12 май 2019, 09:14

Әбиләребезнең һәм әниләребезнең тәмле ризыклары, әтиләребезнең аякларына бастырып «үчтеки» итүләре – балачакның онытылмас истәлеге. Тагын яңа юып чыккан өй эчендәге йомшак «урман һавасын» онытырлык түгел.

Скопировать ссылку

Агач дивар, түшәм-идәннәр, җиһазлар, савыт-саба яхшылап юып чыгарыла. Ишегалдына алып чыгып, келәм, урын-җирләрнең тузаны кагыла. Бу эш туганнар һәм дуслар белән бергәләшеп башкарыла.

Өй юу туганлык һәм дуслык җепләрен дә ныгыта. Чистарып-сафланып калган өйдә яшәү дәрте арта. Хатыным Әлфия, сеңелләрем Нәфига һәм Рәмзия бергәләшеп, нигез йортны юып чыктык. Әтием Равил белән әнием Флюра: «Зур эш башкарылды», – дип сөенеп калдылар.

Автор фотолары

Кызыклы яңалыкларны күзәтеп бару өчен Т елеграмга кушылыгыз.

#өй юу