Роберт Миңнуллин белән хушлашырга килүчеләргә битлекләр тараталар

Бу минутларда Г.Камал исемендәге Татар дәүләт академия театры каршында халык шагыйре Роберт Миңнуллин белән хушлашу мизгелләре бара.

Мәрасимдә катнашкан хезмәттәшебез сүзләренчә, Роберт аганы соңгы юлга озатырга килүчеләр саны бик күп. Шул исәптән, шагыйрьләр, депутатлар да. Роберт Миңнуллинның туган ягы Башкортстаннан да делегация килгән.

Мәрасимдә катнашучыларның барысына да битлекләр таратыла.

Театр каршындагы мәйданда шагыйрьнең иҗат иткән сүзләренә җырлар, Роберт Миңнуллин үз тавышы белән яздырып калдырган шигырьләр яңгырый.