Роберт Миңнуллинның соңгы шигыре дип аталган шигырь Рифат Сәлахныкы
Шагыйрь Рифат Сәлах ачык белдерү ясады: Роберт Миңнуллинныкы дип аталган янәсе соңгы шигыре аныкы түгел икән!
Шагыйрь Рифат Сәлах ачык белдерү ясады: Роберт Миңнуллинныкы дип аталган янәсе соңгы шигыре аныкы түгел икән!
Соңгы көннәрдә ватсапта йөргән шигырьне Роберт Миңнуллин вафатына бәйле таратучыларга Рифат үзе белдерү ясады. Шагыйрь белән "ШК" хәбәрчесе элемтәгә кереп, әлеге хәлгә ачыклык кертүне сорады.
"ШК" хәбәрчесенә сөйләгәнчә, бу шигырьне Рифат 2016 елда ук язган булган. "Шигырь "Ак фәрештә" дип аталган китапта басылган иде. Ватсапта йөри торган шигыремнең бер куплеты кыскарган һәм үлгәч дигәне киткәч дип үзгәртелгән", диде ул безгә.
"Мин аны Роберт Миңнуллин үлгәч, инстаграмга куйган идем. Анда Рифат Сәлах дип тә күрсәтелгән. Әмма кемдер алган да тараткан, шунда авторы төшеп калгандыр инде. Шигырь Роберт Миңнуллинныкына әйләнгән", дип дәвам итте сүзен Рифат.
Еламагыз!..
Мин үлгәч тә, үксеп еламагыз,
Сез бит лаек түгел еларга.
Аллаһыга мең-мең шөкер итәм
Сезнең белән үткән елларга.
Мин үлгәч тә, үксеп еламагыз,
Зая үтмәгәндер һәр көнем.
Җан өләшкән бөек Раббыбызга
Җирдә соңгы рәхмәт әйтүем.
Мин үлгәч тә, үксеп еламагыз,
Кирәк булыр изге догагыз.
Каберемдә юк-бар сүзләр сөйләп,
Коръәннән дә өстен булмагыз.
Мин үлгәч тә, үксеп еламагыз,
Җаным исән әле бүген дә.
Үкенечләр калыр, гөнаһлар күп,
Әзер тору авыр үлемгә.
Мин үлгәч тә, үксеп еламагыз,
Елау юкка хәзер, яшь әрәм.
Дөнья авырлыгын ташлап китеп,
Мәңге картаймаска яшәрәм (Рифат Сәлах)
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Сорау-җавап
«Теләгем юк, ә ирем басым ясый»: 47 яшьлек хатын-кыз соравына сексолог җавабы
-
#Кыскача яңалыклар
Казан үзәгендә хәрәкәт чикләнәчәк: 10–14 июньдә триатлон аркасында юллар ябыла
-
#Язмалар
Блогер Рамилә Антонова: «Язылучыларым минем белән бергә иремне көтә...»
-
#Җәмгыять
Олы бәйрәм: Бөек Җиңүнең 81 еллыгына багышланган тантаналы чаралар
-
#Кыскача яңалыклар
Казанда җылыту сезонын 7 майда тәмамларга планлаштыралар
Комментарийлар
0
0
Китабы "Ак фәрештә" аның. Шигыре иүгел бугай. Тагын буталчык китмәсен
0
0
0
0
Стиль - Роберт Миңнуллинныкы... Авторын да ул дип кабул итү бер дә гаҗәп түгел...
0
0
0
0
Стиль бердэ бер-берсенекенэ охшамаган. Роберт абый кеше куркытып,кешене кайгыга салмады алдан ук .Мин улэм инде ,дип зарланмады,ул хэтта чирлэгэнен кешегэ дэ сиздермэде.Шигырьлэре бик итэгатьле,ботен кешене куз алдына китереп,язылган шигырьлэр.
0
0