16+

Рөстәм Миңнеханов: "Без үзебезне тулысынча үзебез тәэмин итәбез"

Бүген Татарстан Республикасы Президенты Рөстәм Миңнеханов Казан сөт комбинатында һәм Күмәч-кондитер комбинатында булды. Президент производствода дәүләт ярдәменең барлык чаралары да тулы күләмдә тәэмин ителәчәк, дип ышандырды.

Рөстәм Миңнеханов: "Без үзебезне тулысынча үзебез тәэмин итәбез"

Бүген Татарстан Республикасы Президенты Рөстәм Миңнеханов Казан сөт комбинатында һәм Күмәч-кондитер комбинатында булды. Президент производствода дәүләт ярдәменең барлык чаралары да тулы күләмдә тәэмин ителәчәк, дип ышандырды.

Казан сөт комбинаты төрле дәрәҗәдәге майлылыктагы сөт, йогурт, кефир, сөт коктейльләре, каймак, эремчек, төрле брендларның функциональ продуктларын чыгара. Предприятие көн саен 576 тонна сөт эшкәртә. Предприятие планнарында җитештерелә торган продукция күләмен һәм ассортиментын арттыру.

Коллектив белән аралашу барышында Рөстәм Миңнеханов башкарылган эшнең мөһимлеген аерым билгеләп үтте. «Безнең республика барлык төп азык-төлек продуктларын җитештерү буенча беренче урыннарны били. Без үзебезне тулысынча үзебез тәэмин итәбез. Алга таба да безнең җитештерүләр үсешенә ярдәм итәчәкбез», - диде ТР Президенты.

Шулай ук форсаттан файдаланып, Рөстәм Миңнеханов комбинат хезмәткәрләрен якынлашып килүче Халыкара хатын-кызлар көне белән котлады. Бүген предприятиедә 772 белгеч эшли, шуларның 400е хатын-кыз.

Аннары Татарстан Президенты Күмәч-кондитер комбинаты эше белән танышты. Бүгенге көндә икмәк-күмәч әйберләре җитештерүнең тәүлеклек күләме тәүлегенә 60 тонна тәшкил итә. Компания кибет киштәләренә икмәкнең барлык социаль төрләре исемлеген, икмәк-күмәч һәм кондитер әйберләренең киң ассортиментын, шул исәптән тортлар, пирожные һәм чәк-чәк белән тәэмин итә.

Реклама

Инвестпроектлар һәм дәүләт ярдәме кысаларында предприятиедә линияләрне модернизацияләү бара. Моннан тыш, бюджет финанславы социаль ипи җитештерү һәм сатуга бәйле чыгымнарның бер өлешен капларга мөмкинлек бирә. Быел бу максатларга 240 млн. сум каралган, бу икмәкнең әлеге категориясенә бәяләрне саклап калырга мөмкинлек бирәчәк.

Рөстәм Миңнеханов производствоны карап чыкты, хезмәткәрләр белән сөйләште. Татарстан Республикасы Президенты производствода дәүләт ярдәменең барлык чаралары да тулы күләмдә тәэмин ителәчәк, дип ышандырды.

ТР Президенты Матбугат хезмәте

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading