Санкт-Петербург кешесе Казанда икенче тапкыр тавыш бирергә ниятләгән
Татарстанда ике тапкыр сайларга ниятләүчеләр булган. Бу хакта ТР Үзәк сайлау комиссиясе җитәкчесе Андрей Кондратьев хәбәр итте.
Татарстанда ике тапкыр сайларга ниятләүчеләр булган. Бу хакта ТР Үзәк сайлау комиссиясе җитәкчесе Андрей Кондратьев хәбәр итте.
Аның сүзләренчә, Санкт-Петербургта яшәгән кеше алдан ук Татарстанда тавыш бирергә теләге булуын белдергән. Әмма, ике төбәктә дә тавыш биреп, хокук бозарга ниятләгән.
- Бездә ике тапкыр тавыш бирү очрагы булмады. Сайлау комиссиясе әгъзалары бик профессионал. Санкт-Петербург кешесе Казанда тавыш бирергә килгәч, комиссия әгъзалары Санкт-Петербургка шалтыратып, аның анда да тавыш бирүен ачыклаган. Бу дөрестән дә профессиональлек. Хәзер без махсус укулар уздырдык, - диде Андрей Кондратьев.
Аның сүзләренчә, кайбер төбәкләрдә өчәр тапкыр тавыш бирүчеләр ачыкланган. Аларга хөкемне суд чыгарачак һәм бу гамәлләр “җиңел генә узмаячак”, дип кисәтә Андрей әфәнде.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар