«Татар җыры – 2017» фестиваленең җиңүчеләре билгеле

Шунысы кызык: быел фестивальне оештыручылар яңа кагыйдәләр буенча уйный кебек, чѳнки «Татар җыры – 2017» фестиваленең номинантлары инде билгеле! Аларны булачак тантананың афишаларында күреп белергә мөмкин! «Интрига кайда?» – диярсез. Оештыручылар әйтүенчә: «Быелгы тамаша үзгәрешләргә һәм көтелмәгән борылышларга бай булачак. Шуңа да «Татар җыры» лауреатларының исемнәрен алдан әйтергә бер дә курыкмыйлар. Барлык серләр һәм төп интрига бары тик көнендә «Татар җыры» сәхнәсендә ачылачак. «Быел лауреатлар исемлегендә татарның сандугачы – Ришат Тѳхвәтуллин да бар. Бу яңалык «Татар җыры»н яратучыларны да, Ришатның иҗатын сѳючеләр ѳчен дә бик сѳенечле булды!

Лауреатлар исеме билгеле булса да, кемнең кайсы номинациядә булуы, нинди җыр башкаруы сер итеп саклана. Җырчыларның нинди амплуада чыгыш ясавын беренчеләрдән булып «Татар җыры»н тамаша кылырга килгән кунаклар күрәчәк.

Миллионлаган бюджетлы һәм миллионлаган тамашачысы булган ел вакыйгасына санаулы кѳннәр калды, ләкин өлгер тамашачы әле билетлар алып калырга өлгерә. Сезнең дә «беренчеләр» рәтендә булып, онытылмаслык шоуны үз күзләрегез белән күрәсегез килсә, 16 декабрьдә «Пирамида» күңел ачу үзәгенә рәхим итегез! «Татар җыры» фестиваленең 18ен бергә каршылыйк!

Реклама хокукында.