Татарстанда тагын ике кеше коронавирустан вафат булган

Яр Чаллы шәһәрендә яшәүче 1955 елда туган хатын сулыш алу кыенлашкач, хастаханәгә озатыла. Тикшерү барышында ханымда коронавируслы инфекция ачыкланган. Хастаның хәле яман чир авыруы аркасында катлауланган. 19 июльдә бу ханым үлгән.

1970 елгы хатын-кыз Әлмәт филиалы базасында оештырылган йогышлы хастаханәгә ике яклы үпкә ялкынсынуы белән 16 июльдә озатыла. Хаста моннан тыш эндокрин системасы белән бәйле хроник чирдән дә интеккән. Бу кеше 9 августта вафат булган.

Үлем сәбәбе махсус тикшерү нәтиҗәсендә ачыкланган.